Karaoa ana botaki ni katairiki te Tautaeka nakoia Meeia ao Kiraaka ake a ira te Bwabwaro iaon Tauan Kanoan Boong.
(Tarawa, Kiribati, Kauabong 14 n Eberi 2026) – E karaoa ana botaki ni katairiki te Tautaeka nakoia Meeia ao Kiraka ake a roko n iira te Ka-Aua ni Bwabwaro iaon Tauan Kanoan Boong n ana Auti n Iruwa Kiribati n te Kaabong ae 26 n Maati 2026.
Te botaki ni katairiki are karaoia Beretitenti Taneti Maamau ni butimwaeia Meeia, Kiraka ao akea a tei ibukin ana Rabwata te Betebeke iaon te Otabwanin e bon kanikinaaea naba tokin te Bwabwaro ao bukamaruaan Bongin Tauan Kanoan Boong ibukin te ririki 2026.
N ana maroro are e anga, ao e rangi ni kakaitau Beretitenti Taneti Maamau nakoia Meeia ni kabane ma aia Kiraaka man te Aono ni Kiribati, ao n reitaki ma rabwata n ibuobuoki mai tinaniku.
“Rokomi e bon kanikinaea aron te uaia n reitaki ni mwakuri ao ni kaota te nano ae tauraoi ao ni kakaonimaki ni boutokaa katamaroaan ao kakorakoraan waaki n totoko nakon kabuanibwai mani bibitakin kanoani boong, ao baarongaan waaki ni katauraoi ni kaaitarai kabuanibwai aika a karina n abara ae Kiribati ao n ami abamwakoro aika a kakaokoro,” e taku Beretitenti Taneti Maamau.
A na Kaitairiki te Tautaeka ae e waakinna aio are e bon teimatoa ni kaakaraoia nakoia Meeia ni kaota kinaakin tibwangaia aika a kakawaki n aia abamwakoro ibukia aia botannaomata ao uarokoan abara ae Kiribati bwa te aba ae e maeuraoi, a marurung ao a rau kaaina.
Ni kanoan te Botaki ni Kaitairiki aio ao e bon kanakoa naba ana marooro Nei Marcene Charlie man BTC JSS are e moanna n te kaboo n te marooro iaon ana boto n iango Bongin Tauan Kanoan Boong are e kabonganaaki naba ibukin te Bwabwaro ae e kaangai taekana: “Tarataraan kanoan te bong aie, kamanoan kanoan te ingaabong”.
"Tarataraan bitaki aika a riki n ara otabwanin n te bong aei, bon ngaia te moan mwaneka ae e ktakawaki ibukin kamanoan ara otabwanin ningaabong," e taku Marcene Charlie.E boni kaumakiia naba te roronrikirake bwa a riai n riki ngaiia bwa taan tarataraa raoi abaia, ao ni kaungaia naba bwa ana iri baika a waakinaki ni buoka aron kamanoan abara man kanganga n irekereke ma bibitakin kanoan boong.
E bon anga ana katekeraoi Beretitenti Taneti Maamau nakoia Meeia ma Kiraka n okiran aia abamwakoro nako ao kain te SPREP n okiran mwengaia.
------------------------
The Government of Kiribati hosted a State Dinner reception at the State Guest House on Thursday, 26th March 2026 in honour of the Mayors, the Clerks and representatives from the Secretariat of the Pacific Regional Environment Program (SPREP) attending the 4th National Climate Outlook Forum (NCOF). The reception dinner also marked the closing of the NCOF and World Meteorological Day 2026.
In his keynote address, His Excellency Beretitenti Taneti Maamau expressed this gratitude to Mayors and Council Clerks from the Gilbert Islands, including development partners.
“Your presence during the Forum shows our continued collaboration and shared commitment in strengthening the country’s climate resilience and disaster preparedness, particularly in your respective islands,” President Maamau said.
This occasion demonstrated the Government’s dedication to recognizing and respecting the critical roles of the island councils in serving their communities and in contributing to a wealthier, healthier and peaceful Kiribati.
During the reception, the Junior Secondary School student from Betio who won this year's World Meteorological Day speech competition, also shared an inspiring message on this year’s theme, “Observing Today, Protecting Tomorrow.”
"Observing changes in our environment today is the first step to protecting it," said Marcene Charlie, encouraging youth to actively care for and safeguard Kiribati’s environment.
President Maamau congratulated the mayors and clerks, and wished them luck during their short stay in Tarawa and upon their journey back to their home islands.
###
For more info, contact:
Communications& PR Unit, Office of The President, P.O Box 68, Bairiki, Tarawa, Republic of Kiribati
Tel: +686-75021183, Fax: +686-75021466, Mobile: +686-73070181; E-mail: This email address is being protected from spambots. You need JavaScript enabled to view it.This email address is being protected from spambots. You need JavaScript enabled to view it.