E teimatoa te Tautaeka ni kamatebwaia ao n tarai itera ake a na kona n rootaki iai kaain Kiribati n irekereke ma te boobuaka are riki n te Middle East.
(Bairiki, Tarawa, 16 n Maati 2026)------------E teimatoa Te Tautaeka ni Kiribati n tarai itera ni kabane ake a na kona n riki ao n rootiia kaain Kiribati n irekereke ma te kanganga n te boobuaka are e riki ngkai n te Middle East.
N aron ae e ataaki, ao e a tia te Tautaeka ni katea ana rabwata ae e onoti man te ririki ae e nako ibukin rinanoan kanganga ake a na kona n riki ao ni kakorakoraa riki aanga ni kakatauraoi n rekereke ma te boobuaka aio. Te komete aio e na teimatoa n tirobaei man tarai bwaai aika a riki ao n anga naba ana iango aika a kakawaki nakon te Kabineti ibukin mauriia ao maeuraoia kaain Kiribati.
Karairaki Te Beretitenti Taneti Maamau ma ana Tiim man ana Bowi te Betebeke iaon Bibitakin Kanoan Boong.
Karairaki Te Beretitenti Taneti Maamau ma ana Tiim man ana Bowi te Betebeke iaon Bibitakin Kanoan Boong.
(Tarawa, Kiribati – March 23, 2026) – E karairaki Te Beretitenti ma ana Tiim man ana Bowi te Betebeke iaon Bibitakin Kanoan Boong.
E okira Kiribati n te Moanibong 23 March 2026 Te Beretitenti Taneti Maamau ma ana Tiim imwin kaean aia Bowi Minita man Aban te Betebeke iaon Bibitakin Kanoan Boong are e karaoaki man 19 nakon 20 Maati 2026 i Brisbane, Aotiteria.
Kanoan te maroro n te Bowi e boboto iaon te kakatauraoi irouia aban te Betebeke ni kaineti ma karaoan te Bowi imwain te Ka-31 ni Bowi irouia aban te Aonaba iaon Bibitakin Kanoan Boong ke te Pre Conference of the Parties (Pre-COP31) are na karaoaki n te Betebeke iaan ana boutoka te Minita ibukin Bibitakin Kanoan Boong ao Korakora, Hon Chris Bowen man te Tautaeka n Aotiteria n tibwangana ae te Beretitenti n te Maroro ibukin te ka-31 ni Bowi irouia aban te Aonaba iaon Bibitakin Kanoan Boong are na karaoaki n Nobembwa 2026.
Ana itera te KOIL n irekereke ma te bwaa
Nakoia ana customers ni kabane KOIL riki ake a kakamanena ana bwaa ae te Bentiin. Kam na bane ni mauri.
Ti a rimoa n tabeka te bwanaa ni kabwarabure n aron namakinan te mwengabuaka ni irekereke ma taren ara bwaa aio n te aro ae aki kantaningaaki. Te kanganga aio e bon riki man rinanoan te kaboware ao aio are e waekoa KOIL ni kibaria inanon te weekend.
Kabaerantan te Rongorongo — Sports Complex
Kabonganaan te Sport Complex bon te babaire ae karina ibukin bukamaruan ana ka 44 n Ririki Abara ao e boboto iaon kanoan te bong are kamatoaa te Met. Office ibukin te tairiki anne ae ngaia ae karika te raraoma n te karau ibukiia ana iruwa aika a kakannato Kiribati n aron te Beretitenti mai Nauru ma kaain ana tiim, Ana Tia Tei te Kaomwanuareta, onean mwinTe Beretitenti mai Tiaina, ana Ambaetita Amerika ao ana Aikamitina Buritan.
E rineaki te Sport Complex kioina ngkai e bon rangi ni mano raoi, e bubura ao e tamaroa man tau naba mwaitin te tabo n rairaki ibukiia iruwa aikai.
A na Katairiki ni kaitiboo Beretitenti Taneti Maamau ma kaain te Ark Peace Hospital mai Tiaina
(Bairiki, Tarawa, Wednesday, 19 n Turai 2023)-------E karaoa ana botaki ni katairiki ni kaitiboo ao ni kakaitau te Tautaeka ma kaain ana kaibuke n onaoraki te Tautaeka n Tiaina n te State Guest House i Bairiki n te tairiki aei.
E roko i Kiribati ana kaibuke n onaoraki Tiaina ae te Ake n Raoi ke Ark Peace Hospital n te Kaonobong ae 15 bongin Turai 2023 ao ni beibeti n te matabaiawa i Betio ibukin karaoan ana mwakuri n ibuobuoki nakoia kaain Kiribati ake iai aorakiia inanon te maan ae teuana te wiiki.
Kakaitau te Tautaeka ni Kiribati n nooran ana ibuobuoki ana Kaibuke n Onaoraki Tiaina nakoia kaain Kiribati
(Bairiki, Tarawa, Moanibong, 17 n Turai 2023)------E a tia Kautun Kiribati H.E Beretitenti Taneti Maamau ni kanakoa bwanaana ni kakaitau nakon ana tiim n ibuobuoki ibukin te Kuakua te Tautaeka n Tiaina ake a roko n aia kaibuke n Onaoraki ae te Ake n Raoi ni karaoa te mwakuri ni kamaeu ao n ibuobuoki nakoia kaain Kiribati ake iai aorakiia.
A na Katairiki ni kakaitau Beretitenti Taneti Maamau nakoia taan anga baia n ibuobuoki ao Kometen te ka 44 ni kauringa Bongin Abara
(Bairiki, Tarawa, Kanimabong 21 n Turai 2023)-------E karaoa ana botaki ni katairiki ao ni kakaitau te Tautaeka nakoia Rabwata ake a tia n anga baia n ibuobuoki inanon kauringaan ana ka 44 n Inaomata Abara ae Kiribati.
N ana marooro are e anga n tain te Katairiki aio ao e kawenea bwanana ni kakaitau Beretitenti Taneti Maamau nakon te Komete ni Kainaomata n aron aia tokanikai ni korakoraia are a tia n anga inanon wiikin te Kainaomata.