E a katabwenaaki te karikirake n te katei-bono n te Kawai ae Boou i Bonriki.

(Bonriki, Tarawa – Kauabong 14 n Eberi 2026)----- N te Kaabong, 26 n Maati 2026, e katabwenaaki te karikirake n te katei-bono n te Kawai ae Boou i Bonriki, are e a kanikinaea  moanakin te mwakuri ni katean te bono.

E karaoaki te botaki n katabwena ae e kakawaki aio iroun Kautun Abara, His Excellency Te Beretitenti Taneti Maamau ao ni kakoauaaki irouia Taan Tei mai Abatera ma taan mwakuri n Aobitin Tinaniku, taan mwakuri man te ana Botaki  Aban te Aonnaba are tabe ma Karikirake, taan koroboki n te Tautaeka, taan tei man Aaro ao Ekaretia aika a kakaokoro, unimwaane ma unaine ao ai bon kaain te kaawa n te Kawai ae Boou ao irua ake a roko.

E anga ana marooro te Beretitenti n tain te Katabwena ni kakaitau nakon te Tautaeka n Aotiteria, Ana Aobiti Botakin te Aonnaba are tabe ma Karikirake, ana Botaki ni Mwakuri te Tautaeka ao kain te Kawai ae Boou ibukin aia ibuobuoki are a kakoroa nanon te kantaninga ni kaineti ma kamanoan mataniwin te aba man te kanakinako are irekereke ma bibitakin kanoan boong. E kakawaki kamanoan mataniwin te aba ibukin te tania ni maiu te ran ao te marae ni wanikiba.

“Te Katabwena bon aia waaki ara ikawai ni kaota kakaawakin te mwakuri ma te kantaninga bwa e na bati n nakoraoi man kakabwaiaaki te mwakuri. Bon te tai naba aio are a na kakooaki angin nanoia taani mwakuria te katei-bono ao taani butimwaea te karikirake aika kain te Kawai ae Boou bwa a na bane n anga baia n ibuobuoki man te katabwena n uaa tian te mwakuri ao manga tararuaana imwin tian te mwakuri. Te katabwena bon kaotan naba te karinerine ao te kakaaitau nakoia naake abaia ke aia tano are e na tei iai te karikirake aio”, e maneweia His Excellency Te Beretitenti n ana marooro.

Te karikirake iaon te katei-bono e bwaka iaan te boraraoi ae “Tobwaan te Reitaki” are e tiainaaki n 2023 imarenan te Tautaeka n Aotiteria ao te Tautaeka ni Kiribati ao teuana kanoan te anganano n iraorao iroun te Tautaeka n Aotiteria nakon te Tautaeka n Kiribati ae aranaki bwa te “Ikarekebai iaon Karikirakean Riin te Waaki”. E barongaaki karaoan te karikirake aei iroun Botakin te Aonaaba ni kaineti ma Karikirake ke te UNOPS, are e a mwakuri ma ana Botaki n Mwakuri te Tautaeka n Kiribati, Botaki mai Tinaniku ake a boutoka te waaki aio, ao ai te Kambwana n Kateitei.

Aio te kauoua n tabo ibukin te karikirake ae te katei-bono. Te moan katei-bono e a tia ni waakinaki n te On Aoraki i Nawerewere ae te Tungaru Central Hospital ao e kantaningaaki bwa e na tia inanon te ririki aei, 2026.

-------------

His Excellency Te Beretitenti Taneti Maamau officially launched the seawall construction project during the ground-breaking ceremony held last Thursday, 26 March 2026 at Te Kawai ae Boou, Bonriki Village. This important ground-breaking ceremony was witnessed by invited guests including Members of the Diplomatic Corps and staff, UNPOS staff, Secretaries, Church Leaders, Old Men, Women and Community Members from Te Kawai ae Boou Village.

In his remarks, His Excellency Te Beretitenti acknowledged the Government of Australia, UNOPS, Government Ministries, Te Kawai ae Boou Community for their assistance and support towards coastal protection of vulnerable areas from the impact of climate change. Coastal protection at Te Kawai ae Boou is critical to protect the water reserves and the airport runway.

“This important ground-breaking ceremony reflects our Kiribati traditional culture of honouring the custodians of the land, whose blessing we respectfully seek to be upon us all, especially the construction workers, as they commence building the seawall. It also calls upon Te Kawai ae Boou community members to assist the workers during the construction until it finishes and to take good care of the seawall afterwards.”, His Excellency stated in his remarks.

This project is part of the Kiribati-Australia Climate Security Initiative (KACSI) under the “Tobwaan te Reitaki” Memorandum of Understanding signed in 2023 as part of the Critical Economic Infrastructure Cooperation between the Governments of Kiribati and Australia. This project’s implementation is supported by the United Nations Office for Project Services (UNOPS), working closely with key ministries, stakeholders, and local contractors.

This is the second site for the seawall construction. The construction of the seawall had already commenced at Site 1, Tungaru Central Hospital, in Nawerewere. The seawall is expected to be completed this year, 2026.

                                                                                                                                                ###

For more info, contact:

Communications& PR Unit, Office of The President, P.O Box 68, Bairiki, Tarawa, Republic of Kiribati

Tel: +686-75021183, Fax: +686-75021466, Mobile: +686-73035712; E-mail: This email address is being protected from spambots. You need JavaScript enabled to view it.This email address is being protected from spambots. You need JavaScript enabled to view it.