Te kabanea ni bubura ni karikirake iaon te ran ibukin Tarawa Teinainano ma Betio, ae e bon waaki naba mwakuriana
(Bairiki, Tarawa, Taabati 17 n Eberi 2022) ----- E waaaki ngkai te Tautaeka rinanon te Botaki ibukin Mwakurian Karikirake ao Korakora (MISE) ni mwakuriia kanoan te karikirake ae te South Tarawa Water Supply Project ke te karikirake ibukin karokoan te ran nakoia aomata ni kabane iaon Tarawa Teinainano ma Betio.
Aio bon te kabanea ni bubura ni karikirake ni waakinaki iaon Kiribati ma mwaitin te kataumwane iai ae USD$63.87 te mirion ke AUD$84,327,561 ao ni mwanenaki man te Green Climate Fund (GCF), ana Bangke ni Karikirake Atia (ADB), Bangken te Aonnaba (World Bank), te Global Environment Fund (GEF) ma a na mwaiti ae USD$4.59 te mirion ke AUD$6,059,259 ao ai bon te Tautaeka ni Kiribati.
Kanimwakin mitiin n ran iaon atimwakoro ake a taaketenaki
(Bairiki, Tarawa, Taabati 17 n Eberi 2022)----Iaon kawaina ngkai ni bobonga raoi ana karikirake te Tautaeka iaon kanimwan mitiin n ran (desalination plant) ibukin tobwaan kainanoia te botannaomata iaon atimwakoro ake a teimatoa n rootaki man taian kaangaanga n irekereke ma te ran ni mooi iaon abaia.
Aio bon teuana maibuakon ana karikirake ami Tautaeka ni kaineti ma kakoroan nanon ana motinnano n reitaki ma ana kataratara ae e abwabwaki (KV20) ibukin uarokoan te marurung ao te maeuraoi man karekean raan ni mooi aika a itiaki irouia te botannaomata ake a maeka n abamwakoro ake a bon rangi n rootaki ke n tarika ranin abaia.
Taromauri ibukin butimwaean te Itita ke te Bwakate
(Bairiki, Tarawa, Kauabong 5 n Eberi 2022) -----Ibukin nooran kakawakin te Wiiki ae e Tabu ao te Toa ae te Bwakate ke te Itita, ao e baaireia te Tautaeka bwa e na uki karaoan taromauri ke tutia ni moa man te Taabati ae 10 ni karokoa te Moanibong ae 18 n Eberi 2022.
E kaanauaki riki te kainiin man 1 nakon 29 n Eberi ibukin maurin te botannaomata.
(Bairiki, Tarawa, Kanimabong 1 n Eberi 2022) ----- Ibukin moanibwaian maurin te botannaomata ao e a tia te Tautaeka ni baaireia bwa e na manga reitinako riki te kainiin n te maan ae aua (4) te wiiki ni moa man 1 nakon 29 n Eberi 2022.
Kiribati e boutoka ana babaire te UN
(Bairiki, Tarawa, Kanimabong 4 ni Maati 2022) ----- Kiribati e bon reitiia 141 aban te aonnaba ake a boonano iaon te kainibaire (resolution) ni kaineti ma te buaka are e riki ngkai imarenan Rutia ao Ukraine, ao ni kamatoaa te koaua iaon karinean ma aki uruakan inaomatan te aba teuana n ekaakinakoan tiana (border), ao kateimatoaan te rau n te aonnaba n aron are e kamatoaaki man Botakin Aban te Aonnaba (UN).
Kauaaba iaon bitakin ke karioan aran ao tein meetera ake e angaanga te Tautaeka
Kauaaba iaon bitakin ke karioan aran ao tein meetera ake e angaanga te Tautaeka
(Bairiki, Tarawa, Moanibong 28 n Beberuare 2022) ----- E a tia ana Aobiti Te Beretitenti ni kamatoa bwa e nang waaki nakon te namwakaina ae e na roko ana kauaaba iaon bitakin ke karioan aran ao tein ana meetera Kiribati ake a tataneiai n angaanganaki te koraki ake a rineaki ibukin rianakon aron aia kekeiaki ma aia mwakuri ibukin te botannaomata ao abara ae Kiribati inanon tain bukamaruan Bongin Abara n 12 n Turai ni katoa ririki.
Kanauan riki tain te kainiin ma kamataata aika kakawaki
(Bairiki, Tarawa, Kaonobong 19 ni Maati 2022) ----- Ibukin moanibwaian maurin te botannaomata ao e a tia te Tautaeka ni baaireia bwa e na manga reitinako riki te kainiin inanon uoua riki te wiiki ni moa man te Kanimabong 18 ni Maati 2022 ni karokoa te Kanimabong 1 n Eberi 2022.